त्यसबेला म मरिसक्ने छु
कहिलेकाही शहरमा बस्दाबस्दा
डरले ऐंठन होला जस्तो हुन्छ
मलाई सबैभन्दा बढ्ता डर लाग्छ
थाम्खर्क जाने बाटो बिर्सिए भने के होला
आफू जन्मिएको ठाउँ पुग्ने बाटो
साँच्चैसाँच्चै बिर्सिएँ भने
म पक्कै मर्ने छु ।
कहिलेकाही आफैंलाई एक्लैएक्लै डर लाग्छ
त्यो बनडाँडाको नाम बिर्सिएँ भने
काँसटारको नाम भुसुक्कै बिर्सिएँ भने
भुसभुसे, गढीथुम्को , त्यो देविथान
सबैसबै बिर्सिएँ भने
खाल्लेपानीको उकालो
पानी बोकेको याद आएन भने
त्यो बनडाँडाको नाम बिर्सिएँ भने
काँसटारको नाम भुसुक्कै बिर्सिएँ भने
भुसभुसे, गढीथुम्को , त्यो देविथान
सबैसबै बिर्सिएँ भने
मान्छे मर्नका लागि धेरै कुरा चाहिदैन
No comments:
Post a Comment