राजधानीमा खुल्यो ज्ञानशाला अनुसन्धान केन्द्र

काठमाडौँ । ‘नेपालको सामाजिक तथा राजनीतिक परिवेशमा पठन संस्कृति ओझेल हुँदै गइरहेको सन्दर्भमा ज्ञानशाला अनुसन्धान केन्द्रको निर्माणले नयाँ आयाम थपेको’ भाषा आयोगका सदस्य मातृका पोखरेलले बताउनु भयो । भाद्र २४ गतेका दिन केन्द्रको औपचारिक रूपमा उद्घाटन गर्दै वहाँले सो धारणा राख्नुभएको हो । 

काठमाडौँको १६ नं. वडास्थित नयाँबजारको उत्तम चोकमा खुलेको अनुसन्धान केन्द्रको उद्घाटन गर्दै प्राज्ञ पोखरेलले ‘सामाजिक तथा राजनीतिक क्षेत्रमा विकृतिहरू बढ्दै जानुमा ज्ञानको गहिराई सम्म पुग्ने प्रवृत्ति हट्दै जानु हो’ बताउनु भयो । 

उद्घाटन कार्यक्रममा नेपाल प्रज्ञा प्रतिष्ठानका प्राज्ञ परिषद् सदस्य डा.मधुसूदन गिरी, समाजसेवीहरू घनश्याम न्यौपाने, रामदेव पाण्डे, हेमराज आश्रम, सुवास देवकोटा, भक्ति लामिछाने, सुवास जि.सी., सुकदेव दाहाल, विष्णुहरि देवकोटा, जगत् वशिष्ठ लगायतले शुभकामना मन्तव्य राख्नुभएको थियो । 

उद्घाटन कार्यक्रममा पूर्व माननीय हरि आचार्य, प्राज्ञ डा.कौशीला रिसाल, कानुन व्यवसायी पदम रोका, लक्ष्मण देव पाण्डे, समाजसेवीहरू डा.चूडा ढकाल, वैरागी जेठा, शान्ता सिंह, निर्मला के.सी., भक्त वि.क., जगत् रेग्मी, उत्तम श्रेष्ठ, जगत् श्रेष्ठ, भाइकाजी श्रेष्ठ लगायतको पनि आतिथ्य रहेको थियो ।

दर्शन, इतिहास, विश्व परिवेश, कानुन, भाषा र साहित्यका लगायतका विषयहरूका व्यवस्थित रूपमा अध्ययन अध्यापन गराउने कार्यक्रमका अध्यक्ष भोलानाथ ढकालले धन्यवाद मन्तव्यमा बताउनु भयो । उत्पादनसँग जोडिदा सिप र कलाको अभाव हुँदा श्रम बजारमा निखरता आउन नसकिरहेको चुुनौतिका विरुद्ध पनि ज्ञानशाला क्रियाशील हुने अध्यक्ष ढकालले बताउनु भयो । 

ooo

www.gyaanghar.com बाट साभार